Ta’lim muassasalari oshxonalarida kislorodli kokteyllar sotish taqiqlanadi
SSV holatni izohladi.
Bir mahsulot, taom va pishiriq mahsulotlari sanitariya qoidalariga muvofiq, oziq-ovqat mahsulotlarining almashtirish jadvaliga mos kelgan hollarda, ikkinchi mahsulot bilan almashtirilishi mumkin.
Infeksion va ommaviy noinfeksion kasalliklar (zaharlanish) paydo bo‘lishi va tarqalishining oldini olish uchun hamda sog‘lom ovqatlanish prinsiplariga asosan, sanitariya qoidalari bilan taqiqlangan oziq-ovqat mahsulotlaridan taomlar, pishiriqlar tayyorlash va ulardan iste’mol uchun foydalanishga yo‘l qo‘yilmaydi.
Ta’lim muassasalari oshxonalarida oziq-ovqat mahsulotlari va xom ashyosini qabul qilish ularning sifati hamda xavfsizligini, shuningdek, tegishli hujjatlari (oziq-ovqat mahsulotlari sifati va xavfsizligi guvohnomasi, veterinariya-sanitariya ekspertizasi hujjatlari, oziq-ovqat mahsulotlarini tayyorlovchi, yetkazib beruvchi, ularning manbasini tasdiqlovchi hujjatlar, gigiyenik xulosa va muvofiqlik sertifikatlari, deklarasiya) mavjud bo‘lgan holdagina amalga oshiriladi.
Oziq-ovqat mahsulotlarini yetkazib berish issiq ishlov berish talab qilmaydigan xomashyo va tayyor oziq-ovqat mahsulotlarini alohida ajratilgan maxsus transportda amalga oshiriladi.
Har xil turdagi oziq-ovqat mahsulotlarini tashish uchun bitta transport vositasidan foydalanganda, reyslar orasida transportni dezinfeksiya vositalarini qo‘llagan holda, sanitariya tozalash ishlari o‘tkazib borilishi shart.
Ta’lim muassasasining o‘quv-tajriba tomorqasida va bog‘ uchastkalarida, issiqxonalarida yetishtirilgan o‘simlik mahsulotlaridan ularning sifati va xavfsizligini tasdiqlovchi laboratoriya-instrumental tekshiruv natijalari mavjud bo‘lgandagina, ovqatlanishni tashkil etishda foydalanish lozim.
Ta’lim muassasalari oshxonalarida kislorodli kokteyllar sotish mumkin emas.
Buyrak, jigar, o‘t yo‘llari yoki oshqozon-ichak o‘tkir kasalliklarini boshdan kechirgan hamda surunkali xastaliklari bo‘lgan o‘quvchilarga parhez ovqatlanish tashkil etiladi. Bunday ovqatlanish tartibiga muhtoj bolalar nonushta va tushliklarini tayyorlashda mahsulotlarga maxsus ishlov berilishi zarur.
