Ellikqal’ada qizlar o‘rtasida janjal chiqdi
Holat 10-avgust kuni bozor yaqinida sodir bo‘lgan.
Ijtimoiy tarmoqlarda Qoraqalpog‘iston Respublikasining Ellikqal’a tumanida qizlar o‘rtasida janjal sodir bo‘lgani aks etgan video tarqaldi. Holat yuzasidan respublika IIV axborot xizmati ma’lumot berdi.
Hodisa joriy yilning 10-avgust kuni soat 17:00 larda Ellikqal’a tumani Markaziy dehqon bozorining janubiy tomonida joylashgan do‘konlar oldida yuz bergan. Tumanning Q. Nurumbetov ko‘chasida yashovchi 2002 yilda tug‘ilgan B.Z. Ellikqal’a tumani A.Temur ko‘chasida yashovchi 2005 yilda tug‘ilgan Sh.L. bilan o‘rtalarida kelib chiqqan kelishmovchiliklarni o‘zaro mustaqil ravishda hal qilmoqchi bo‘lgan.
U jamiyatda o‘rnatilgan yurish-turish qoidalarni qasddan mensimasdan, atrofdagi odamlarning ko‘z oldida fuqaro Sh.L.ning tanasining ko‘plab joylariga ko‘l va oyoqlari bilan bir necha marotaba urib, tepib qasddan bezorilik jinoyatini sodir qilgan.
Mazkur holat bo‘yicha Ellikqal’a tuman IIB huzuridagi Tergov guruhi tomonidan, tergovga qadar surishtiruv ishlari olib borilmoqda.
