Farg‘onada haydovchini haqoratlagan YPX inspektori ishdan olingani ma’lum qilindi
U Spark haydovchisi bilan o‘zaro janjallashgan.
Ijtimoiy tarmoqlarda yo‘l-patrul xizmati inspektori haydovchini haqorat qilayotgani aks etgan videotasvir tarqaldi. Holat yuzasidan viloyat IIB YHXB rasmiy munosabat bildirdi.
Qayd etilishicha, ushbu holat joriy yilning 25-aprel kuni Buvayda tumanida sodir bo‘lgan bo‘lib, YPX inspektori A.K. va Spark haydovchisi o‘rtasida o‘zaro janjal yuzaga kelgan.
Haydovchi M.Q.ning arizasiga asosan o‘tkazilgan xizmat tekshiruvi yakuniga ko‘ra, YPX inspektori safdor A.K. 2022-yil 8-may kuni Farg‘ona viloyati Ichki ishlar boshqarmasi boshlig‘ining buyrug‘iga asosan egallab turgan lavozimida ozod etilgan.
