O‘zbekiston TIV Hirot shahridagi terrorchilik harakatini qoraladi
“Bu kabi qabih harakatlar Afg‘onistondagi vaziyatning keskinlashishiga olib keladi”, — deyiladi vazirlik bayonotida.
2-sentyabr kuni Afg‘onistonning Hirot shahrida masjid portlatilgan edi. O‘zbekiston Respublikasi Tashqi ishlar vazirligi mazkur holat yuzasidan bayonot e’lon qildi.
“Juma namozi paytida sodir etilgan hamda tinch aholi orasida ko‘plab insonlarning qurbon bo‘lishi va jarohatlanishiga sabab bo‘lgan terrorchilik harakatini qat’iy qoralaymiz.
Bu kabi qabih harakatlar Afg‘onistondagi vaziyatning keskinlashishiga olib kelishi barobarida, mamlakatda uzoq muddatli va barqaror tinchlik hamda milliy totuvlikning o‘rnatilishiga to‘sqinlik qiladi.
Halok bo‘lganlarining oila a’zolari va yaqinlariga hamdardlik bildirib, jabrlanganlarning sog‘ayib ketishini tilaymiz”, — deyiladi xabarda.
