MAGATE missiyasi Zaprojye AESda qachongacha qolishi maʼlum bo‘ldi
31-avgust kuni agentlik Ukrainaga kelgandi.
MAGATE delegatsiyasi Zaporojye AESda 6 sentyabrgacha qoladi. Bu haqda Zaporojye viloyati maʼmuriyati vakili Vladimir Rogov maʼlum qildi.
“Delegatsiya 5 sentyabrda ishlaydi. Shundan keyin uning missiyasi yakunlanadi va 6 sentyabrda ketadi. Ularga barcha zarur yordam ko‘rsatildi. Biz AESdagi vaziyat yuzasidan xolis munosabatga umid qilamiz”, – degan u.
Rogovning so‘zlariga ko‘ra, hozirda delegatsiya tarkibida 13 kishi qolgan. Shu bilan birga ularning missiyani davom ettirishi masalasida aniq pozitsiya yo‘q.
Bundan oldin MAGATE bosh direktori Rafael Grossi delegatsiya Zaporojye AESda qancha zarur bo‘lsa, shuncha qolishini maʼlum qilgandi.
