Namanganda 12 yoshli qiz daryoga cho‘kib ketdi
U 16-avgustdan beri qidirilmoqda.
Namangan viloyatining Norin tumanida 16-avgust kuni voyaga yetmagan qiz daryoga cho‘kib ketdi. Holat yuzasidan viloyat Favqulodda vaziyatlar boshqarmasi axborot xizmati ma’lumot berdi.
Qayd etililishicha, Norin tumanidan oqib o‘tuvchi Qoradaryoga Norin tumani “Uchtepa” MFYda yashagan 12 yoshli qiz o‘rtoqlari bilan cho‘milish maqsadida borib, cho‘milish vaqtida cho‘kib ketgan.
Qizcha cho‘kkan kundan beri Namangan viloyati Favqulodda vaziyatlar boshqarmasining qutqaruv-qidiruv guruhi tomonidan suv ostida va suv ustida qidiruv ishlari olib borilmoqda.
Jarayonga Norin, To‘raqo‘rg‘on, Pop tumani Favqulodda vaziyatlar bo‘limi qutqaruvchilar, Milliy givardiya va Ichki ishlar xodimlari jalb etilgan.
