Mashhur turk aktyori Burak Oʻzchivit Toshkentga kelmoqda
U 14-15-sentabr kunlari xalqaro kinofestivalda qatnashadi.
Turk aktyori Burak Oʻzchivit joriy yilning 13–18-sentabr kunlari o‘tkaziladigan “Ipak yo‘li durdonasi” XIV Toshkent Xalqaro kinofestivalida ishtirok etadi. Bu haqda Kinematografiya agentligi axborot xizmati xabar berdi.
U kinofestivalning asosiy tadbirlarida, xususan, 14-sentabr kuni bo‘lib o‘tadigan ochilish marosimida hamda 15-sentabr kuni Forumlar saroyida tantanali ravishda boshlanadigan Turk kinosi kunlarida qatnashadi.
Turkiya delegatsiyasi Toshkentda filmlar namoyishini o‘tkazib, 16-sentabr kuni Urganch shahriga jo‘nab ketadi. U yerda ham 2 kun davomida o‘z filmlarini taqdim etishadi.
Turk seriallari yulduzlarining Toshkentga tashrifi shahar hokimligi tomonidan tashkil etilmoqda.
