Ukraina shu kunga qadar qancha zarar ko‘rdi?
Mamlakat hukumati rahbari bu haqda maʼlumot berdi.
Ukraina harbiy harakatlar oqibatida 326 milliard dollar zarar ko‘rdi. Bu haqda mamlakat bosh vaziri Denis Shmigal maʼlum qildi.
Uning so‘zlariga ko‘ra, bu pullar Ukrainaga yetkazilgan to‘g‘ridan-to‘g‘ri jismoniy zarar hisoblanadi. Hukumat va Jahon banki ekspertlari bilan o‘tkazilgan qo‘shma tadqiqot orqali shu raqamlar hisoblab chiqilgan.
Shmigal vayron bo‘lgan infratuzilma uchun 105 milliard dollar zarurligini aytgan.
Avvalroq Niderlandiya Ukraina infratuzilmasining qishga tayyorgarligi uchun 80 million yevro ajratgandi.
