Putin: Ukraina g‘allasi asosan boy davlatlarga olib ketilgan
Shu kungacha 2 million tonna oziq-ovqat “g‘alla kelishuvi” asosida eksport qilingani maʼlum qilindi.
Ukrainadan olib chiqilgan g‘allaning asosiy qismi rivojlangan davlatlarga yuborilgan. Bu haqda RF prezidenti Vladimir Putin Sharqiy iqtisodiy forumdagi chiqishida maʼlum qildi.
“BMTning butunjahon oziq-ovqat dasturi tomonidan qashshoq davlatlarga 2 ta kemada g‘alla jo‘natilgan. Taʼkidlayman: 87 kemadan bor-yo‘g‘i ikkitasi. 2 million tonna oziq-ovqatdan 60 ming tonna — bu 3 foizni tashkil etadi — rivojlanayotgan davlatlarga yuborilgan”, – degan u.
Putin G‘arbni dunyo davlatlarini aldashda ayblagan.
Rossiya yetakchisi shu munosabat bilan Erdog‘an bilan eksportga yo‘naltirilayotgan Ukraina g‘allasi hajmini kamaytirish yuzasidan maslahatlashishini aytgan.
