Toshkentda Audi va Neksiya YTHga uchradi
Hodisa oqibatida bir kishi shifoxonaga yotqizilgan.
Toshkent shahrining Uchtepa tumanida 7-sentabr kuni ikkita avtomashina ishtirokida yo‘l-transport hodisasi sodir bo‘ldi. Holat yuzasidan shahar IIBB YHXB rasmiy ma’lumot e’lon qildi.
Hodisa soat 10:20 larda Uchtepa tumanidagi “Kattaqani” ko‘chasida yuz bergan. Unda 1974-yilda tug‘ilgan S.N. boshqaruvidagi Audi rusumli avtomobil xamda 1953-yilda tug‘ilgan U.S. boshqaruvidagi Neksiya o‘zaro to‘qnashgan.
Hodisa oqibatida Neksiya rusumli avtomobil haydovchisi tan jarohati olib kasalxonaga yotqizilgan. Hozirda YTH sabablari aniqlashtirilmoqda.
Mazkur holat yuzasidan Toshkent shahar IIBB YHXB tomonidan tergovga qadar tekshiruv o‘tkazilmoqda.
