Qirolichaning dafn etilish sanasi ma'lum bo'ldi
Unga qadar Shotlandiyada vidolashuv marosimlari o'tkaziladi.
Bugun, 10-sentabr kuni Yelizaveta II ning jasadi Edinburgdagi Xolirud saroyiga yetkaziladi va Shotlandiya xalqi marhum qirolicha bilan vidolashish uchun taxt xonasiga yig’iladi.
Tashish paytida qo'rg'oshin tobutidan foydalaniladi – bu Britaniya qirollik oilasining an'anasi. Bu tanani uzoq vaqt davomida munosib holatda saqlash uchun amalga oshiriladi.
Yakshanba kuni qirol Charlz III Shotlandiya poytaxtiga keladi. Yangi monarx Edinburg soboridagi marosimga boshchilik qilishi kutilmoqda.
12-sentabr kuni vidolashuv marosimi tugagandan so‘ng, Yelizaveta II ning jasadi poyezdda Londonga yetkaziladi va Bukingem saroyining taxt xonasiga joylashtiriladi. So’ngra u Vestminster saroyiga olib boriladi va hamma monarxga so'nggi hurmatini ko'rsatishi mumkin.
Dafn marosimi 18-sentabr kuni bo'lib o'tadi. Vestminster saroyi tomoshabinlar uchun ertalab soat sakkiz yarimda yopiladi va bir soatdan keyin qirolichaning tobuti Vestminster abbatligiga yetkaziladi.
