Toshkent shahar Ekologiya boshqarmasi boshlig‘i hibsga olindi
U mansab vakolatini suiiste’mol qilganlikda gumonlanmoqda.
Toshkent shahar ekologiya va atrof-muhitni muhofaza qilish boshqarmasi boshlig‘i Farhod Dehqonov hibsga olindi, deya xabar bermoqda “Gazeta.uz” sayti.
Qayd etilishicha, bo‘lim boshlig‘i 9 sentyabr kuni Jinoyat kodeksining 205-moddasi 2-qismi “a” bandi (hokimiyat yoki mansab vakolatini suiiste’mol qilish, davlat yoki jamiyatga juda ko‘p miqdorda zarar yetkazish)da nazarda tutilgan jinoyatni sodir etganlikda gumonlanmoqda.
“Farhod Dehqonov asosiy vazifasi ekologiya va atrofni muhitni muhofaza qilishga oid qonunchilik talablari ijrosi ustidan nazoratni amalga oshirish kerak bo‘lgan holda, o‘z mansab vakolatlarini suiiste’mol qilib, go‘yoki daraxtlarni ko‘chirishga ruxsat berganligi vaji bilan ularning nobud qilinishiga sharoit yaratib bergan”, — deyiladi xabarda.
