Ertaga Shavkat Mirziyoyevning SHHT sammitiga bag‘ishlangan maqolasi e’lon qilinadi
U xorijiy davlatlarning nufuzli gazetalarida ham chop etiladi.
Ertaga, 12-sentabr kuni O‘zbekiston va qator yetakchi xorijiy davlatlarning nufuzli gazetalarida va internet-nashrlarida Shavkat Mirziyoyevning Shanxay hamkorlik tashkiloti Samarqand sammitiga bag‘ishlangan dasturiy ahamiyatga ega, konseptual maqolasi chop etiladi. Bu haqda Prezident matbuot kotibi Sherzod Asadov ma’lum qildi.
“Bu oliy darajadagi uchrashuvdan nimalar kutilyapti? Sammit O‘zbekiston, mintaqa va umuman zamonaviy dunyo uchun qanchalik muhim? Yangi davrda O‘zbekiston nega mintaqaviy va global miqyosda keng hamkorlik va muloqotni ilgari surmoqda? O‘zbekistonning SHHTga raisligi tashkilot faoliyatida qanday aks etdi? Shu va boshqa muhim savollarga Prezidentimizning ertangi maqolasida javob topish mumkin”, — deyiladi xabarda.
