Putin Makron bilan telefonlashdi
Asosiy mavzu Zaporojye AES bo‘lgan.
Rossiya prezidenti Vladimir Putin va Fransiya prezidenti Emmanuel Makron telefon orqali muloqot qildi. Bu haqda Kreml matbuot xizmati xabar bermoqda.
O‘zaro suhbatda Zaporojye AES xavfsizligini ta’minlash masalalari bo‘yicha batafsil va ochiq fikr almashilgan.
“Putin rossiyalik mutaxassislar tomonidan stansiyaning jismoniy muhofazasini ta’minlash bo‘yicha ko‘rilayotgan chora-tadbirlar haqida ma’lumot berdi va unga o‘t ochishni zudlik bilan tugatish uchun Kiyev rasmiylariga ta’sir o‘tkazish zarurligini ta’kidladi”, — deyiladi xabarda.
Suhbat yakunida yurli masalalar yuzasidan muloqotni davom ettirishga kelishib olingan. Shuningdek, Yelisey saroyi tez orada Zaporojye AES bo‘yicha Putin bilan yana bir telefon muloqoti o‘tkazilishini ma’lum qilgan.
