Toshkent viloyatida ayolning fotolarini tarqatmaslik uchun pul talab qilgan erkak ushlandi
U ayoldan 10 ming AQSH dollari so‘ragan.
Toshlent viloyatida ayolning foto va videolarini ijtimoiy tarmoqda tarqatib, sharmanda qilmaslik evaziga undan 10 mimg AQSH dollari talab qilgan shaxs ushlandi. Bu haqda viloyat IIBB axborot xizmati xabar qildi.
Ma’lum bo‘lishicha, 15-avgustdan boshlab noma’lum fuqaro Parkent tumanida yashovchi M.X.ga telegram ijtimoiy tarmog‘i orqali xabar yozib, agar 10 ming AQSH dollari bermasa, uni giyohvand modda sotuvchi ayol sifatida tasvirlab, foto va videolar tarqatishi, qamatish va oilasini buzib sharmanda qilish bilan tahdid qilib kelgan.
Mazkur holat yuzasidan olib borilgan surishtiruv davomida noma’lum fuqaroning shaxsi aniqlangan va tezkor tadbirda u ayoldan talab qilingan 10 000 AQSH dollarini olgan vaqtida qo‘lga tushgan.
Hozirda mazkur holat yuzasidan Jinoyat kodeksining 165-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.
