BMT Bosh Assambleyasining 76 sessiyasi faoliyati yakunlandi
Navbatdagi sessiya bugun ochiladi.
BMT bosh kotibi Antoniu Guterrish Bosh Assambleyaning 76-sessiyasini yopdi. U sessiya raisi Abdulla Shahidga faoliyati uchun minnatdorchilik bildirgan.
Bosh kotib 77-sessiya ochilishini sabrsizlik bilan kutayotganini aytgan. Unga vengriyalik diplomat Chaba Kyoryoshi boshchilik qilishi kutilmoqda.
“Bo‘lajak sessiya xalqaro tizimni har qachongidan ham qattiq sinovdan o‘tkazadi. Biz barcha insonlar uchun yana-da yaxshi, yana-da tinch kelajakka yo‘l olishimiz mumkin”, – degan u.
Bosh Assambleyaning 77-sessiyasi 13-sentyabrda ochiladi. Uning eng asosiy voqeasi 20-26-sentyabrdagi Oliy daraja haftasi bo‘lib, sessiyaga qator davlat yetakchilari, hukumat rahbarlari va tashqi ishlar vazirlari keladi.
