Ukrainaga qancha moliyaviy yordam berilgan?
Mamlakat moliya vazirligi bu to‘g‘risida maʼlumot berdi.
Ukraina 24 fevraldan buyon xorijiy hamkorlardan 18 milliard dollar pul oldi. Mamlakat moliya vazirligi maʼlumotlariga ko‘ra, bu summa Kiyevga berilgan harbiy yordamdan tashqari pullar hisoblanadi.
“Ammo byudjetning oylik 5 milliard dollarlik tanqisligi oxirigacha qoplanmadi”, – deyiladi vazirlik press-relizida.
Ukrainaning eng muhim moliyaviy donorlari sifatida AQSH, Kanada, Buyuk Britaniya, Yaponiya, Fransiya va Italiya qayd etilgan.
Mamlakat bosh vaziri Denis Shmigal o‘z navbatida hukumat 203 yilda oylik byudjet tanqisligini 3 milliard dollargacha kamaytirilishini aytgan. Uning qo‘shimcha qilishicha, Kiyev sentyabrda YEIdan 5 milliard dollar kredit, oktyabrda 3 milliard dollar grant oladi. Bosh vazir hozirgi moliyaviy yordam bilan byudjet xarajatlarining 40 foizi qoplanayotganini taʼkidlagan.
Avvalroq Ukraina harbiy mojaro oqibatida qancha zarar ko‘rgani ochiqlangandi.
