Ultimatum qo‘yadiganlar bilan gaplashmayman — Zelenskiy
Ukraina prezidenti Rossiya bilan joriy vaziyatda muzokara o‘tkazmasligini maʼlum qildi.
Vladimir Zelenskiy Rossiya bilan muzokara o‘tkazishdan bosh tortdi. Ukraina prezidenti buni Moskva tomonida konstruktiv bo‘lish istagi yo‘qligi bilan izohlagan.
Siyosatchi rossiyaliklarni ultimatum tilida muloqot qilishda ayblagan. U buni nomaqbul deb atagan.
“Bu mening prinsipim: ultimatum qo‘yadiganlar bilan gaplashmayman”, – degan Zelenskiy.
Shu bilan birga prezident oxirigacha kurashishi, rossiyaliklar mamlakat hududini to‘liq tark etgandagina Rossiya-Ukraina o‘rtasida shartnoma tuzilishini aytgan.
Avvalroq Zelenskiy harbiy mojaro moliyaviy inqirozni kuchaytirishini maʼlum qilgandi.
