Toshkentda 3 ta ko‘cha yopilmoqda
Ertaga shaharda xalqaro festival o‘tkaziladi.
Ertaga, 14-sentabr kuni “Ipak yo‘li durdonasi” XIV Toshkent xalqaro kinofestivali o‘tkazilishi munosabati bilan bir necha ko‘chalarda harakat cheklanadi. Bu haqda shahar hokimligi matbuot xizmati xabar bermoqda.
Quyidagilar:
—Chilonzor ko‘chasi – Novza va Katta Chilonzor ko‘chalari oralig‘ida soat 10:00 dan 17:00 gacha qisman;
—Alisher Navoiy shohko‘chasi – Labzak va Abay ko‘chalari oralig‘ida soat 17:00 dan 20:00 gacha qisman;
—Paxtakor ko‘chasi – Navoiy shohko‘chasi va “Paxtakor” stadioni oralig‘ida soat 14:00 dan 23:00 gacha to‘liq yopiladi.
“Haydovchilarga aylanma yo‘llardan foydalanishni tavsiya qilib, noqulayliklar uchun uzr so‘raymiz”, — deyiladi xabarda.
