Japarov chegaradagi vaziyat bo‘yicha xalqiga murojaat qildi
Davlat rahbari nima bo‘lganda ham Qirg‘iziston bir metr yerni bermasligi va milliy manfaatlarni qatʼiyat bilan himoya qilishini taʼkidladi.
Qirg‘iziston prezidenti Sadir Japarovning xalqiga murojaati eʼlon qilindi.
Unda quyidagilar qayd etildi:
▪️ Halok bo‘lganlarning oila aʼzolariga hamdardlik bildirildi. Ular muqaddas burch yo‘lida halok bo‘ldilar – yurt sarhadlarini asrash, bir metr ham yer bermaslik. Qurbonlarning oilalariga davlat yordam beradi.
▪️ Chegarachilarga o‘qlar “do‘li” yog‘ishidan qo‘rqmay, qahramonlik ko‘rsatgani uchun minnatdorchilik bildirdi.
▪️ Qurbonlar faqat Qirg‘iziston tomonida emas. Tezkor maʼlumotlarga ko‘ra, Tojikiston tomoni ham katta yo‘qotishlarga uchragan. Chegaralar masalasi hal etilmagan, shuning uchun nizolar kelib chiqmoqda.
▪️Nima bo‘lganda ham Qirg‘iziston bir metr yerni bermaydi va milliy manfaatlarni qatʼiyat bilan himoya qiladi.
▪️ O‘zbekiston bilan chegara masalalari deyarli hal qilingan, Tojikiston bilan esa yo‘q. Tarix shuni ko‘rsatadiki, bu masalalar sabr-toqat va puxtalik bilan ko‘rib chiqishni talab qiladi. Qirg‘iziston ularni imkon qadar tezroq hal qilishga harakat qilmoqda.
