0
Fransiya koinotda yangi missiyalar o‘tkazmoqchi
Hukumat buning uchun 9 mlrd yevro ajratadi.
Fransiya Bosh vaziri Elizabet Born hukumat kosmik sohaga sarmoya kiritishni rejalashtirayotganini ma’lum qildi. Bu haqda u Xalqaro astronavtika kongressining ochilish marosimida aytib o‘tdi.
“Fransiya ilmiy tadqiqotlar va kosmik soha uchun kelgusi uch yilda 9 milliard yevrodan ortiq sarmoya kiritishga tayyorlanmoqda”, — dedi Born.
Ushbu sarmoyalar Prezident Emmanuel Makron tomonidan belgilab berilgan mamlakat kosmik strategiyasini amalga oshirishga qaratilgan.
Born, shuningdek, Yevropa kosmik agentligining yangi “Ariane–6” raketasini uchirishga tayyorgarlik ko‘rilayotganini ham eslatib o‘tgan.
