Qirg‘izistonda 19-sentabr Milliy motam kuni deb e’lon qilindi
U qirg‘iz-tojik chegarasida halok bo‘lganlar xotirasiga bag‘ishlanadi.
Qirg‘iziston rahbari Sadir Japarov 19-sentabrni Milliy motam kuni deb e’lon qildi. Bu haqda Prezident matbuot xizmati xabar berdi.
Milliy motam kunida butun mamlakat bo‘ylab, shuningdek, xorijdagi diplomatik va konsullik idoralari binolarida Qirg‘iziston davlat bayroqlari tushiriladi.
Eslatib o‘tamiz, 14-sentabr kuni qirg‘iz-tojik chegarasida qurolli mojaro boshlangandi. Qirg‘izistonning Botken viloyatida ikki davlat harbiy xizmatchilari o‘rtasida otishma sodir bo‘lgan.
Qirg‘iziston Sog‘liqni saqlash vazirligi ma’lumotlariga ko‘ra, qurolli to‘qnashuvlar natijasida 36 kishi halok bo‘lgan, 134 kishi yaralangan.
