Meksika va Afg‘onistonda ham zilzila qayd etildi
Yer silkinishi 5,3 va 7,4 ballni tashkil etgan.
Meksika g‘arbidagi Michoakan shtati hududida 7,4 balli zilzila sodir bo‘ldi.
Mamlakatdagi ogohlantirish signallari yer qimirlashi oqibatida ishga tushib ketgan, o‘n minglab odamlar o‘z uylari va ishxonalaridan qochib chiqishgan.
Zilzila mahalliy vaqt bilan soat 13:00 lar atrofida yuz bergan. AQSH geologiya xizmati Michoakan va Kolima shtatlari chegarasida 15 kilometr chuqurlikda yuz bergan yer silkinishi kuchini 7,6 balli deya baholadi.
Zilzila yetkazgan zarar haqida hozircha maʼlumot yo‘q.
Ajablanarlisi, yer osti silkinishi zilzilaga qarshi harakatlanish bo‘yicha keng ko‘lamli mashg‘ulotlar boshlanganiga bir soat bo‘lmasidan yuz bergan.
Shuningdek, bugun, 20-sentabr kuni Afg‘onistonda ham zilzila qayd etildi. Zilzila magnitudasi 5,3 ballni tashkil etgan.
