Peskov: Kiyev bilan muzokaralar o‘tkazilmaydi
Bundan avval Vladimir Putin Ukrainani Rossiya bilan muloqotni inkor qilishda ayblagandi.
Hozirda Ukrainadagi vaziyatni siyosiy-diplomatik hal qilish istiqbollari yo‘q. Bu haqda Rossiya prezidentining matbuot kotibi Dmitriy Peskov maʼlum qildi.
“Hozirgi paytda buning istiqbollari mavjudligini ko‘rmayapmiz”,– degan u.
Bundan oldin RF prezidenti Vladimir Putin ham Moskvaning muzokaralarga tayyorligini, ammo Kiyev buni rad etayotganini aytgandi.
Rossiya-Ukraina muzokaralari may oyida to‘xtab qoldi. Moskva bu tashabbus Kiyevdan chiqqanini maʼlum qilgan. hozirda ukrain rasmiylari rus qo‘shinlarining mamlakat hududidan butunlay olib chiqilishini talab qilmoqda.
Avvalroq Vladimir Zelenskiy Rossiyani ultimatumlar orqali muloqot qilishda ayblagandi.
