Qozog‘istonda armiyaga borganlar universitetga imtiyozli qabul qilinadi
Loyihani amalga oshirish 2023-yilda boshlanadi.
Qozog‘iston Respublikasi Mudofaa vazirligi Fan va oliy taʼlim vazirligi, shuningdek, yetakchi oliy taʼlim muassasalari bilan hamkorlikda fuqarolarning harbiy xizmatni o‘tashga bo‘lgan qiziqishini oshirish bo‘yicha yangi loyihani amalga oshirishni rejalashtirmoqda.
Mudofaa vazirligining maʼlum qilishicha, mazkur loyiha harbiy xizmatni o‘tab bo‘lgan barcha fuqarolarga suhbat natijalariga ko‘ra, muddatli harbiy xizmatni o‘tab bo‘lganidan keyin ikki yil ichida oliy taʼlim muassasalariga to‘lov asosida o‘qishga kirish imkonini beradi. Shuning uchun, taqvimga ko‘ra, kuzda armiyadan kelganidan so‘ng, ular o‘qishga kirishlari mumkin. Sobiq harbiy xizmatchilar oliy taʼlim muassasalarining harbiy kafedralarida bepul o‘qish imkoniyatiga ega bo‘ladi.
«Harbiy xizmatchilarga harbiy xizmatni o‘tash davrida shaxsiy fazilatlari, namunali xulq-atvori va jangovar tayyorgarlikda erishgan yuksak natijalari asosida oliy taʼlim muassasasi granti hisobidan bepul oliy taʼlim olish imkoniyati yaratilmoqda. Bunday yoshlarga Mudofaa vazirligi tizimidagi harbiy taʼlim muassasalarida oliy o‘quv yurtlariga kirish milliy imtihonini hisobga olmagan holda o‘qish imkoniyati taqdim etilmoqda. Harbiy taʼlim muassasalariga imtihonsiz kirishda va fuqarolik oliy taʼlim muassasalariga taʼlim grantlarini olishda Vatan oldidagi burchini ado etgan harbiy xizmatchilarning farzandlari ham ustuvor hisoblanadi. Loyihani amalga oshirish taʼlim sohasidagi qonunchilikka o‘zgartirishlar kiritishni talab qilmaydi» , — deyiladi Mudofaa vazirligi xabarida.
Vazirlik maʼlumotlariga ko‘ra, mamlakatimizning barcha hududlaridagi qirqqa yaqin oliy taʼlim muassasalarida muddatli harbiy xizmatni o‘tagan fuqarolarga taʼlim olishda imtiyozlar berilgani tasdiqlandi.
