Toshkentda yuk mashinasi ag‘darilgan ko‘prik yopiladi
Bunga qurilish-ta’mirlash ishlari sabab qilib ko‘rsatilgan.
Toshkent shahrining Yakkasaroy tumanida Qushbegi ko‘prigi aylanma yo‘lining bir qismi yopiladi. Bu haqda shahar hokimligi matbuot xizmati xabar qildi.
Yo‘l ta’mirlash ishlari olib borilayotgani sababli ko‘prikning Kichik Xalqa yo‘li ko‘chasidan Sergeli tomonga yo‘nalgan qismi 24 cyentabr kuni soat 00:00 ga qadar yopiladi.
“Haydovchilarga aylanma yo‘llardan foydalanishini tavsiya qilib, noqulayliklar uchun uzr so‘raymiz”, — deyiladi xabarda.
Eslatib o‘tamiz, bugun soat 10:30 larda ko‘prikning ushbu qismida “HOWO ZZ3” rusumli yuk mashinasi haydovchisi boshqaruvni yo‘qotib, ag‘darilib ketgandi.
