Peskov Rossiyadagi safarbarlik sababini ochiqladi
Uning aytishicha, bu NATO bilan bog‘liq.
Rossiya hukumati Ukraina bilan urushda NATOning harbiy qudratiga duch kelganligi sababli qisman safarbarlik e’lon qildi. Bu haqda b prezidenti matbuot kotibi Dmitriy Peskov ma’lum qildi.
Uning aytishicha, yaqin orada Rossiya hukumati safarbarlik muddati haqida aniqlik kiritadi. Mamlakatda “maxsus harbiy operatsiya” maqomini o‘zgartirish va harbiy holat joriy etish bo‘yicha hech qanday qarorlar qabul qilinmagan.
Shuningdek, muddatli harbiy xizmatga chaqiriluvchilar uchun chegaralar yopilishi haqidagi ma’lumotlar ham tez orada ochiqlanadi.
Eslatib o‘tamiz, avvalroq Rossiya Mudofaa vazirligi safarbarlikka 300 ming zaxiradagi askarni chaqirishni rejalashtirayotganini xabar qilgandi.
