Rossiyadan O‘zbekistonga ketayotgan yuk mashinasida salkam 2 mingta jinoiy ish hujjati topildi
Ularni ikki nafar politsiya xodimi makulaturaga topshirgan.
Orenburg viloyatidagi “Sagarchin” chegara postida traktor tirkamasiga joylashtirilgan jinoiy ishlarning siqilgan hajmlari topildi. Bu haqda “Baza” telegram kanalida xabar qilindi.
Tergov-surishtiruv davomida ma’lum bo‘lishicha, jinoiy ish materiallari Boshqirdiston polisiyasi tomonidan qog‘oz chiqindilariga topshirilgan. Tergovchilar siqilgan qog‘ozni qayta ishlash uchun O‘zbekistonga makulaturani yig‘uvchi “Ekologiya RB” kompaniyasi jo‘natganini aniqladi.
“Tirkamada 1956 ta jinoiy ish bo‘lib, ularning uchdan bir qismi yo‘q qilingan deb topildi, qolganlari arxivga topshirildi. Ularning barchasi da’vo muddati o‘tganligi sababli tugatilgan. Ishlarni ikki nafar politsiya xodimi makulaturaga topshirgan va buning uchun ular 7 ming rubldan ko‘proq pul olgan, — deyiladi xabarda.
