O‘zbekistonda “Mir” kartalariga xizmat ko‘rsatish to‘xtatildi
Bunga amalga oshirilayotgan texnik jarayonlar sabab bo‘lgani aytilgan.
O‘zbekistonda “Mir” kartalariga xizmat ko‘rsatish to‘xtatildi. Bunga UZCARD tomonidan amalga oshirilayotgan texnik ishlar sabab bo‘lgani aytilmoqda.
“2022 yil 23 sentyabr soat 09:00 dan boshlab UZCARD infratuzilmasida “Mir” hamda xorijda UZCARD – “Mir” kobeydjing kartalariga xizmat ko‘rsatish to‘xtatiladi”,– deyiladi UZCARD protsessing markazi tarqatgan xabarda.
Shu bilan birga UZCARD – “Mir” kobeydjing kartalari odatdagi tartibda O‘zbekiston Respublikasi hududida ishlayotgani taʼkidlangan.
Bundan oldin Turkiyaning ayrim banklarida “Mir” kartalari bilan muammolar yuzaga kelgan. Shuningdek, Qozog‘iston va Vyetnamda ham ushbu kartalarga xizmat ko‘rsatish to‘xtatilgan. Rossiya TIV buni ushbu davlatlar AQSH ikkilamchi sanksiyalaridan xavotirga tushib ushbu chorani amalga oshirganini qayd etgan.
