Samarqandda 15 yoshli bola kanalizatsiya quvuriga tushib ketdi
Holat yuzasidan viloyat FVB ma’lumot berdi.
Bugun, 23-sentabr kuni Samarqand shahrida 15 yoshli bola ehtiyotsizlik oqibatida yerosti quvuriga tushib ketdi.
Qayd etilishicha, soat 17:00 da Samarqand shahrining “Abubakr Roziy” ko‘chasida joylashgan chuqurligi taxminan 12 metr bo‘lgan yerosti quvuri (kanalizatsiya)ga 15 yoshli bola tushib ketgani haqida viloyat FVBga xabar kelgan.
Bola qutqaruvchilar tomonidan sog‘-salomat chiqarib olinib, unga birinchi tibbiy yordam ko‘rsatilgan va davolash muassasasiga yuborilgan. Hozirda bola shifokorlar nazoratida.
