Tojikiston va Qirg‘iziston TIV rahbarlari o‘zaro muzokara o‘tkazdi.
Uchrashuv BMT Bosh assambleyasi 77-sessiyasi doirasida bo‘lgan.

Tojikiston va Qirg‘iziston TIV rahbarlari Nyu-Yorkda uchrashdi. Tomonlar BMT bosh kotibi o‘rinbosari Rozmari Dikarlo ishtirokida qirg‘iz-tojik chegarasidagi vaziyatni muhokama qilgan.
Tojikiston TIV maʼlumotlariga ko‘ra, har ikki davlat ham chegaradagi muammoni tinch yo‘l bilan hal qilishga tayyorligini bildirgan. Sirojiddin Muhriddin va Jeenbek Kulubayev erishilgan kelishuvlarga amal qilish muhim ekanligini taʼkidlagan.
Ayniqsa, 2022 yil 19 sentyabr kuni imzolangan protokolga amal qilish zarurligini alohida qayd etilgan.
Joriy yilning sentyabrida Qirg‘iziston-Tojikiston chegarasida vaziyat keskinlashdi. Tomonlar bir-birini o‘qqa tutgan, natijada yuzdan ortiq kishi jabrlandi. Chegara zonasi atrofida yashaydigan minglab odamlar evakuatsiya qilindi.







