Andijonda Neksiya–3 ikki kishini urib yubordi
Ulardan biri 12 yoshli bola bo‘lgan.
Bugun, 25-sentabr kuni Andijon shahrida Neksiya–3 rusumli avtomashina ikki nafar piyodani urib yubordi. Holat yuzasidan viloyat IIB axborot xizmati ma’lumot berdi.
Voqea tungi soat 01:00 larda Andijon shahrining Milliy tiklanish ko‘chasida yuz bergan. 1988-yilda tug‘ilgan Andijon shahrida yashovchi fuqaro N.O. Neksiya–3 rusumli avtomashinani boshqarib ketayotib, o‘zi bilan bir yo‘nalishda yo‘lning qatnov qismida arava yetaklab ketayotgan 2 nafar piyodalar — 1979-yilda tug‘ilgan T.O. hamda 2010-yilda tug‘ilgan S.B.larni urib yuborib, yo‘l-transport hodisasi sodir etgan.
Hodisa oqibatida har ikkala piyodalar tan jarohati olib, shifoxonaga yotqizilgan.
Dastlabki surishtiruv va tekshiruvlarga ko‘ra, haydovchida mastlik holati aniqlanmagan. Hozirda tergovga qadar tekshiruv harakatlari olib borilmoqda.
