O‘zbekistonda Yaponiya choyini yetishtirish yo‘lga qo‘yildi
Hozirda sinovdagi choy o‘simligi mamlakatda yaxshi o‘smoqda
Respublikaning dengiz sathidan 600-1500 metr balandlikda joylashgan tog‘ va tog‘oldi hududlari, jumladan, Surxondaryo, Qashqadaryo, Jizzax, Toshkent va Farg‘ona vodiysi viloyatlarida choy ko‘chatlari ekilib, O‘zbekiston tuproq-iqlim sharoitiga moslashtirish bo‘yicha ilmiy izlanishlar olib borilmoqda. Bu haqda Qishloq xo‘jaligi vazirligi Matbuot xizmati xabar qildi.
Qayd etilishicha, Toshkent davlat agrar universiteti tomonidan Tokio qishloq xo‘jaligi va texnologiyalari universiteti bilan hamkorlikda “sayamakaori”, “fukimidori”, “xokimey”, “fushin”, “sayamadori” kabi choy navlari ko‘chirib keltirilib, O‘zbekiston yerlarida sinovdan o‘tkazilmoqda. Hozirda sinovdagi choy o‘simligi mamlakatda yaxshi o‘smoqda.
Eslatib o‘tamiz, Prezident Sh.Mirziyoyevning Yaponiyaga tashrifi doirasida O‘zbekistonda choy o‘simligini yetishtirish bo‘yicha kelishuvga erishilgan edi.
