AQSH Ukrainaga 457,5 million dollar ajratadi
Mablag‘ fuqarolar xavfsizligini ta’minlashga sarflanadi.
AQSH hukumati Ukrainaga tinch aholi xavfsizligini ta’minlash uchun qo‘shimcha 457,5 million dollar ajratadi. Bu haqda AQSH Davlat kotibi Entoni Blinken Twitterda ma’lum qildi.
“Qo‘shma Shtatlar fuqarolarning hayotini saqlab qolish hamda huquqni muhofaza qilish va jinoiy sud ishlari bo‘yicha ukrainalik hamkorlar salohiyatini oshirish uchun qo‘shimcha 457,5 million dollar ajratdi. Bu mablag‘ fuqarolar xavfsizligini ta’minlaydi”,— deb yozdi u.
Eslatib o‘tamiz, o‘tgan hafta YeI Kengashi Ukrainaga 5 milliard yevro ajratishni ma’qulladi. Ukraina Yevropa Ittifoqining makromoliyaviy yordamining ikkinchi transhini bir oy ichida, yana bir qismini esa yil oxirigacha olishi mumkin.
