Chavusho‘g‘lu: Putin Erdog‘anga Samarqandda Kiyev bilan muzokaralarga qaytish mumkinligini aytgan
Turkiya TIV rahbari Ukraina mojarosi qanday yakunlanishi maqsadga muvofiqligini aytdi.
Ukraina nizosi birinchi navbatda Kiyev uchun adolatli tinchlik o‘rnatilishi bilan yakunlanishi kerak. Bu haqda Turkiya tashqi ishlar vaziri Mavlud Chavusho‘g‘lu Tokiodagi matbuot anjumanida maʼlum qildi.
“Ukrainadagi mojaro adolatli tinchlik o‘rnatilishi bilan yakunlanishi kerak. Bu birinchi navbatda ukrainaliklar uchun adolatli bo‘lishi lozim. Oldin aytib o‘tganimdek, Turkiya bu hududlarni noqonuniy egallangan deb hisoblaydi. Ammo biz diplomatik yechim topishdan umidimizni yo‘qotmayapmiz”, – degan u.
Shu bilan birga diplomatning so‘zlariga ko‘ra, Putin Erdog‘an bilan Samarqanddagi uchrashuvida Ukraina bilan muzokaralarga qaytishni istisno qilmagan. Chavusho‘g‘lu Turkiya prezidenti Moskva va Kiyev bilan birdek aloqa qilishda davom etishini bildirgan.
Avvalroq Rossiya prezidenti matbuot kotibi Dmitriy Peskov Ukraina bilan muzokara o‘tkazishga asos yo‘qligini aytgandi.
