Reuters: KXDR va Xitoy temiryo‘l orqali yuk tashishni tikladi
Ikki davlat o‘rtasidagi poyezdlar qatnovi aprelda to‘xtatib qo‘yilgandi.
KXDR Xitoy bilan temiryo‘l orqali yuk tashishni qayta tikladi. Bu haqda Janubiy Koreya birlashuv vazirligi maʼlum qildi.
Xabarlarga ko‘ra, Xitoyning Dandun hududidan Shimoliy Koreyadagi Sinuiju shahriga yuk poyezdi kelgan. Joriy yilning 29 aprelida temiryo‘l qatnovlari butunlay to‘xtatib qo‘yilgandi. Bunga chegara hududlarida COVID-19 bilan kasallanish avj olib ketgani sabab bo‘lgan.
Ekspertlar temiryo‘l orqali yuk tashishning to‘xtab qolishi KXDRda oziq-ovqat taʼminoti bilan bog‘liq vaziyatni yomonlashishiga olib kelishini taʼkidlagan.
Janubiy Koreya birlashuv vazirligi yuk ortilgan poyezdlar qatnovi 26 sentyabrda tiklanganini qayd etgan.
Avvalroq Pxenyan navbatdagi ballistik raketalarni uchirgandi.
