Yaponiya Rossiyaga qarshi sanksiyalarni kengaytirdi
Mudofaa sanoatiga tegishli 21 tashkilot faoliyatiga cheklovlar joriy etildi.
Yaponiya iqtisodiyot vazirligi Rossiyaga “kimyo quroli” bilan bog‘liq tovarlar sotishni taqiqladi. Eʼlon qilingan yangi sanksiyalar paketiga 21 tashkilot kiritilgan.
Xususan, “Energiya”kompaniyasi, “Etalon” nodavlat tashkiloti, “Moselektronproyekt” korxonasi va boshqalarga taqiq qo‘yilgan. Tokio bu kompaniyalarni mudofaa sanoatiga tegishli deb hisoblaydi.
Sanksiyalar 3 oktyabrdan kuchga kiradi. Yaponiya yangi cheklovlar haqida o‘tgan haftada eʼlon qilgandi. Bunga Ukrainaning egallab olingan hududlarida o‘tkazilayotgan “referendumlar” sabab bo‘lgan.
Avvalroq AQSH yana 17 nafar rossiyaliklarga nisbatan sanksiya joriy etgandi.
