Farg‘onada IIB xodimlari gumonlanuvchini kaltaklagani aytildi
Holat yuzasidan IIV matbuot kotibi ma’lumot berdi.
Ijtimoiy tarmoqlarda Farg‘ona viloyatida huquqni muhofaza qiluvchi organ xodimlari gumonlanuvchi shaxsni kaltaklab, qiynoqqa solgani aks etgan videotasvirlar tarqaldi. Holat yuzasidan Ichki ishlar vazirligi matbuot kotibi Shohruh Gʻiyosov rasmiy izoh berdi.
Ma’lum bo‘lishicha, ushbu voqea 2021-yilning 14-iyul kuni Farg‘ona shahri ichki ishlar bo‘limida sodir etilgan. Holat yuzasidan prokuratura organlari tomonidan Jinoyat kodeksining 206-moddasi 1-qismi bilan jinoyat ishi qo‘zg‘atilgan hamda 2021-yil 2-dekabrda mazmunan ko‘rib chiqishlik uchun sud organlariga yuborilgan.
Jinoyat ishi joriy yilning 23-avgust kuni Farg‘ona viloyati JIB sudi tomonidan apellyatsiya tartibida ko‘rib chiqilib, xodimlarning harakatlarida jinoyat alomatlari yo‘q deb topilgan va oqlov hukmi chiqarilgan.
