Yevropa gazsiz qolishi mumkin: Rossiya Ukraina orqali tranzitni butunlay to‘xtatmoqchi
Moskva-Bryussel o‘rtasidagi “energetik urush” tobora avj olmoqda.
Rossiya Ukraina orqali gaz tranzitini to‘xtatishi mumkin. Bu Yevropaga “zangori olov” yetkazib beradigan asosiy quvurlarda bosim pasayib ketishi fonida yuz bermoqda.
“Gazprom” kecha Ukrainaning asosiy gaz operatori “Naftogaz”ga daʼvolari borligini maʼlum qilgan. Bu tranzit yo‘nalishi orqali YEIga yetkazib beriladigan gazning yarmi to‘g‘ri keladi.
“Naftogaz” may oyida “Soxranovka” taqsimlash punkti orqali Rossiyadan yonilg‘i qabul qilishni to‘xtatishini aytgandi. Ushbu punktning Rossiya tomonidan egallangan Lugansk viloyatida joylashganligi bunga sabab qilib ko‘rsatilgan. Kiyev barcha gazni o‘z nazoratidagi hududda joylashgan “Sudja” punkti orqali yetkazib berishni taklif qilgandi. Moskva buni inkor qilgan, ukrainaliklar esa arbitrajga murojaat bilan chiqqandi.
“Gazprom” Ukraina tomoni o‘z daʼvosini qaytarib olmasa, unga qarshi sanksiyalar joriy etishini taʼkidladi. Bu tranzit uchun pul to‘lanishi to‘xtatilishini anglatadi. Bundan holatda Kiyevda ikki yo‘l qoladi: gazni bepul o‘tkazish yoki quvurlarni butunlay to‘xtatib qo‘yish.
Agar Ukraina orqali tranzit to‘xtatilsa, Yevropa deyarli gazsiz qoladi. Faqatgina Turkiya orqali Yevroittifoq janubiga “zangori olov” yetkazib berish davom etadi.
Eslatib o‘tamiz avvalroq “Shimoliy oqim-2” quvuridan katta miqdorda gaz sizib chiqayotgani to‘g‘risida xabar berilgandi.
