Buxorodagi prokuratura binosida daraxtlar noqonuniy kesildi
Holat yuzasidan Ekoqo‘mita ma’lumot berdi.
Ijtimoiy tarmoqlarda Buxoro harbiy prokurori topshirig‘i bilan qimmatbaho daraxtlar kesib tashlanganligi haqida xabarlar tarqaldi. Holat yuzasidan Davlat ekologiya qo‘mitasi rasmiy munosabat bildirdi.
Qayd etilishicha, joriy yilning 16-sentabrida Prokuratura organlari tomonidan o‘tkazilgan ichki tekshiruv jarayonida harbiy prokuratura hududidagi umumiy ovqatlanish binosi atrofida o‘rik daraxtining shoxlari hamda kam qimmatli bo‘lgan 1 tup o‘rik va 6 tup aylant daraxtlari tag qismidan tegishli ruxsatnomasiz kesilganligi aniqlangan.
Ushbu holat yuzasidan ekologiya inspektorlari ishtirokida tegishli hujjatlar rasmiylashtirilgan va Respublika Harbiy prokuraturasi tomonidan tekshirilmoqda.
