Shavkat Mirziyoyev Jahon banki vitse-prezidenti bilan uchrashdi
Uchrashuvda qanday masalalar muhokama qilinishi ma’lum qilindi.
O‘zbekiston Prezidenti Shavkat Mirziyoyev Jahon banki vitse-prezidenti Anna Byerde boshchiligidagi delegasiya bilan uchrashuv o‘tkazmoqda. Bu haqda Prezident matbuot kotibi Sherzod Asadov ma’lum qildi.
Qayd etilishicha, o‘zaro hamkorlik o‘rnatilganidan buyon o‘tgan 30 yilda ustuvor tarmoqlardagi loyihalar portfeli 8 milliard dollardan oshgan.
Muzokaralar kun tartibidan ushbu yetakchi xalqaro moliyaviy institut ko‘magida ijtimoiy-iqtisodiy loyihalarni ilgari surish masalalari o‘rin olgan.
Alohida e’tibor qishloq joylarda turmush darajasini yaxshilash, davlat korxonalarini xususiylashtirishni jadallashtirish, qishloq xo‘jaligini transformasiya qilish, ijtimoiy sohani modernizasiyalash, iqtisodiyotning energiya samaradorligini oshirish va boshqa jihatlarga qaratiladi.
