Zelenskiy g‘alabadan keyingi rejalarini ma’lum qildi
U jiddiy o‘zgarishlar bo‘lishini ta’kidladi.
Gʻalabadan keyin Ukraina bir necha yil ichida Yevropa Ittifoqining to‘laqonli a’zosiga aylanadi. Bu haqda Prezident Vladimir Zelenskiy aytib o‘tdi.
“Biz allaqachon nomzod maqomini oldik — urush paytida ham bu borada qattiq ishladik... Mamlakat Yevropa Ittifoqi tomon yo‘lni tanladi. Ikki-uch yil ichida biz Yevropa Ittifoqiga a’zo bo‘lishimizga shubha yo‘q. Biz hech bo‘lmaganda qonunchilik yo‘lida ham, hamkorlarimiz bilan muloqotda ham aniq harakat qilmoqdamiz. Ko‘pchilik Yevropa Ittifoqi davlatlari bizni qo‘llamoqda”, — dedi Zelenskiy.
Uning ta’kidlashicha, Ukraina shuningdek, NATOga a’zo bo‘lish yo‘lida xavfsizlik kafolatlari bo‘yicha ham kelishuv tayyorlamoqda.
“Men aytib o‘tgan bu ikki yo‘nalish allaqachon Ukrainaning Yevropa davlati bo‘lishini ko‘rsatmoqda”, — dedi Kiyev rahbari.
