Xabarni chuqur qayg‘u bilan qabul qildik—O‘zbekiston TIV
Ta’lim markazida yuz bergan portlash yuzasidan rasmiy bayonot berildi.
O‘zbekiston Respublikasi Tashqi ishlar vazirligi Ag‘onistonning Kobul shahrida yuz bergan portlash yuzasidan bayonot berdi.
“Kobul g‘arbidagi ta’lim markazida sodir etilgan qabih terrorchilik xuruji oqibatida o‘nlab insonlar, asosan, qizlar halok bo‘lgani va jarohatlangani haqidagi xabarni chuqur qayg‘u bilan qabul qildik.
Yana ro‘y bergan zo‘ravonlik harakatlarni keskin qoralagan holda, mazkur yovuz va g‘ayriinsoniy xuruj tashkilotchilari hamda ijrochilarini aniqlashda barcha zarur choralarni ko‘rishga chaqiramiz.
Halok bo‘lganlarning oila a’zolari va yaqinlariga chuqur hamdardlik bildiramiz, jarohatlanganlarning tezroq sog‘ayib ketishini tilaymiz”, — deyiladi xabarda.
