NATOning 9 davlati Ukrainaning ittifoqga a’zoligini qo‘llab-quvvatladi
Shuningdek, ular alyansni Ukrainaga harbiy yordamni sezilarli darajada oshirishga chaqirdi.
Markaziy va Sharqiy Yevropadagi to‘qqiz NATO davlati prezidentlari qo‘shma bayonot berib, Rossiyaning Ukraina hududlarini anneksiya qilganini qoraladi va alyansni Ukrainaga harbiy yordamni sezilarli darajada oshirishga chaqirdi.
"Biz Ukraina suvereniteti va hududiy yaxlitligini qo‘llab-quvvatlashimizni yana bir bor tasdiqlaymiz, Rossiyaning Ukraina hududini anneksiya qilishga urinishlarini hech qachon tan olmaymiz", deyiladi bayonotda.
Shuningdek, Markaziy va Sharqiy Yevropa davlatlari prezidentlari Ukrainaning NATOga aʼzo boʻlishi haqidagi qarorni qatʼiy qoʻllab-quvvatlashlarini bildirdilar.
Xususan, bayonotda Markaziy va Sharqiy Yevropa davlatlari prezidentlari Ukrainani Rossiya bosqinidan himoya qilishda qo'llab-quvvatlashini, Rossiyadan barcha bosib olingan hududlardan qo'shinlarni zudlik bilan olib chiqib ketishni talab qilishini bildirgan.
Eslatib o‘tamiz, juma kuni Vladimir Zelenskiy Ukraina Shimoliy Atlantika ittifoqiga tezlashtirilgan kirish uchun ariza imzolaganini e’lon qilgan edi.
