Turkiya Bosfor va Dardaneldan qancha daromad oladi?
Mamlakat transport vaziri bu bo‘yicha maʼlumotlarni ochiqladi.
Turkiya Bosfor va Dardannel bo‘g‘ozlari orqali kemalarning o‘tishidan yiliga 200 million dollar daromad oladi. Bu haqda mamlakat transport vaziri Odil Karaismailoglu maʼlum qildi.
Vazirning so‘zlariga ko‘ra, bu hafta ushbu suv koridorlaridan o‘tish uchun olinadigan to‘lov oshiriladi. U 1936 yilda bo‘g‘ozlardagi kemalar qatnovini tartibga soluvchi Montryo konvensiyasi imzolangan paytdagi oltin frank asosida hisoblanadi.
“Biz bo‘g‘ozlar orqali o‘tishda olinadigan to‘lovni o‘zgartirdik va dunyoni har yili 1 iyulda uni o‘zgartirishimizni butun dunyoga maʼlum qildik. Gap kemalarning to‘xtovsiz o‘tishi orqali yillik 30 milliondan 200 million dollargacha bo‘lgan summa haqida ketmoqda”, – degan u.
Montryo konvensiyasi imzolangan paytda oltin frank 0.8 dollarga teng bo‘lgan bo‘lsa, hozirda u 4.8 dollarni tashkil etmoqda. Konvensiyaning ikkinchi moddasiga muvofiq, tibbiy nazorat, mayoq va kemalar evakuatsiyasi xizmatlari uchun to‘lovlar undiriladi. Shu bilan birga to‘lov hajmi savdo kemasi sof tonnajiga qarab belgilanadi.
