Navoiyda bank xodimlari 400 mlndan ortiq pulni talon-taroj qildi
Hozirda ularga nisbatan jinoyat ishi qo‘zg‘atilgan.
Navoiy viloyatida bankomatdagi pullarni o‘zlashtirgan bank xodimlari aniqlandi, deya xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Qayd etilishicha, Departamentning Navoiy viloyat boshqarmasi tomonidan ATB “Turonbank” Navoiy filialining murojaatiga asosan tergovga qadar tekshiruv o‘tkazilgan. Unda bankning Navbahor bank xizmatlari ofisi mas’ul xodimlari bankomatga kirim qilish uchun ajratilgan 336 mln so‘mni o‘zlashtirish yo‘li bilan talon-toroj qilganliklari, shuningdek, ushbu bankomat kassetasidan 98,8 mln so‘mni yechib olishib, o‘z ehtiyojlari uchun ishlatib yuborganliklari ma’lum bo‘lgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
