Ukrainaga birinchi navbatda qaysi turdagi qurollar zarur?
NATO sobiq bosh kotibi bu bo‘yicha maxsus reja ishlab chiqdi.
Kiyevga hozirda asosan havo hujumiga qarshi mudofaa tizimlari kerak. Bu haqda Politico xabar berdi.
Nashr maʼlumotlariga ko‘ra, Ukraina NASAMS zenit-raketa tizimlarini noyabrda oladi. Bu tizimlar dron vertolyot va raketalarni urib tushira oladi. Shu bilan birga Politico bilan suhbatlashgan manbalardan biri bu havo mudofaasi uchun yetarli emasligini taʼkidlagan. Kiyevga yaqin va o‘rta masofaga zarba beradigan qurollar zarurligi qayd etilgan.
Bundan tashqari, G‘arb o‘z havo hujumidan mudofaa tizimlarini Ukrainaga berishni istamayotgani, shartnomalar imzolanishi va bu turdagi qurollardan foydalanishni o‘rgatish uchun yillar kerakligi maʼlum qilingan.
Hozirda Kiyev G‘arbdan olishni istagan ustuvor qurollar ro‘yxati o‘zgarayotganiga eʼtibor qaratilgan. NATOning sobiq bosh kotibi Anders Fog Rasmussen esa Ukrainaga harbiy yordam masalasida asosiy lobbist ekanligini taʼkidlagan. U Zelenskiy ofisi rahbari Andrey Yermak bilan yangi yordam paketi mazmunini aks ettirgan hujjat ishlab chiqqan. Hujjatda G‘arbning uzoq muddatga ko‘mak berishi muhimligi qayd etilgan.
Avvalroq Ukraina harbiylari Yevropada tayyorlanishi to‘g‘risida xabar berilgandi.
