Toshkentdagi 25 ta avtobus yo‘nalishida tirbandlik yuzaga kelishi mumkin
Bu jarayon 4 kun davom etadi.
Yo‘l ta’mirlash ishlari olib borilishi sababli Beruniy shoh ko‘chasining Samarqand darvoza va Navoiy shohko‘chalari bilan kesishmasidan Laylito‘g‘on hamda Saqichmon ko‘chalari bilan kesishmasigacha bo‘lgan oraliqdagi yo‘l qismi ikki tomonlama qisman yopiladi. Bu haqda “Toshshahartransxizmat” AJ axborot xizmati ma’lum qildi.
Qayd etilishicha, 8-oktyabr soat 9:00 dan 12-oktyabr soat 00:00 ga qadar 5A, 11, 28, 29, 32, 35, 42, 47, 64, 65, 81, 84, 91, 109, 115, 118, 123, 147, 196-sonli (8T, 23, 43, 120, 136, 188-sonli yo‘nalishlari bo‘yicha bir taraflama) avtobus yo‘nalishlarining yo‘l qatnov qismida tirbandliklar yuzaga kelishi hamda qatnov va oraliq interval vaqtlariga rioya qilinishida kamchiliklar kuzatilishi mumkin.
