Navoiyda qoida buzmagan haydovchiga jarima yozildi
Holatga IIB YHХB izoh berdi.
Navoiy viloyatining Karmana tumanida yuqori tezliqda harakatlanib, yo‘l qoidasini buzgan buxorolik haydovchining jarimasi namanganlik haydovchi nomiga yozildi. Holat yuzasidan Namangan viloyati IIB YHXB rasmiy munosabat bildirdi.
Qayd etilishicha, tezlikni qayd etish vositasi inson omilisiz ishlab avtomatlashtirilgan tarzda qaror chiqarganligi sababli davlat raqami 80 H 200 AA bo‘lgan Laсetti avtomobili tomonidan sodir etilgan qoidabuzarlik uchun 50 H 200 AA avtomashinasiga rasmiylashtirilgan.
“Holat qayta o‘rganilib, ma’muriy bayonnoma bekor qilindi. Jarima 80 H 200 AA davlat raqam belgili avtomashinaga nisbatan rasmiylashtirildi”, — deyiladi xabarda.
