Sirdaryoda noqonuniy baliq ovlovchilar qo‘lga tushdi
Hozirda ularning ishi sudga oshirilgan.
Kecha, 8-oktyabr kuni Sirdaryo viloyat Ekologiya boshqarmasi davlat inspektorlari, DXX chegara qo‘shinlari hamda IIB xodimlari hamkorligida tungi reyd tadbiri o‘tkazildi. Bu haqda Davlat ekologiya qo'mitasi xabar bermoqda.
Qayd etilishicha, tadbir davomida Sirdaryo tumani “Sholikor” SIU hududidan oqib o‘tuvchi “Sirdaryo” daryosidan noqonuniy ravishda fuqarolar M.M. va N.E. tomonidan taqiqlangan ov quroli va leskali to‘r yordamida uch turdagi 46 dona (30 dona sazan, 8 dona sudak, 8 dona jerx) baliqlar ovlanganligi aniqlangan.
Sodir etilgan huquqbuzarlik holati yuzasidan fuqarolarga nisbatan Ma’muriy javobgarlik to‘g‘risidagi kodeksning 90-modda 4-qismi bilan ma’muriy bayonnoma rasmiylashtirilib, to‘plangan hujjatlar jinoyat ishlari bo‘yicha Sirdaryo tuman sudiga taqdim etilgan.
